Ebaluazioa

Adiskideok! Beste sekuentzietan egin dugun bezala, honen amaieran ere, auto-ebaluazioari ekin beharko diozue. Lan-koadernoko taula erabiliko duzue horretarako.

Auto-ebaluazioan, oinarrizko zehar-konpetentzien garapenean egindako aurrerapausoak baloratu beharko dituzue eta baita hizkuntza konpetentziari dagozkionak ere.

Taula bakarka bete ondoren, talde txikitan partekatuko dituzue zuen hausnarketak eta hobekuntza-proposamenak egingo dizkiozue elkarri.

Azkenik, talde handian, sekuentzian zehar ikasi duzuenaren inguruan hitz egingo duzue, izan dituzuen zailtasunak aipatu eta horiek hobetzeko proposamenak luzatuko dituzue.