Hitzen bila hizkuntzetan zehar
Aukeratu ditugu gelan imitatuko ditugun hizkuntzak. Baina orain talde bakoitzak hizkuntza bat aukeratu beharko du.
Elkartu talde txikitan eta hizkuntza bat aukeratu. Ondoren, hizkuntza horren inguruko ahalik eta zerrendarik luzeena osatu beharko duzue: hizkuntza horretako hitzak, esaldiak, izenak, leku-izenak, pertsonaiak… Denak balio digu.
Laguntzatxo bat emango dizuegu lau hizkuntzatan, abiapuntua izan dezazuen:
Txinera
Ni hao, Pekin, Xi Jinping, Txina, Shangai, Bruce Lee, Ming, Konfuzio, Jackie Chan…
Italiera
Ciao, Arrivederci, Capisco, Milano, Napoli, Monica Belucci, Andiamo, Bambini…
Errusiera
Spasiba, Mosku, Vladimir Putin, Sharapova, Leningrad, Dostoyevsky, Dimitri, Rayssa…
Japoniera
Sayonara, Arigato, Tokio, Hiroshima, Kioto, Shin Chan, Ninja…
Zerrendak osatu eta gero, Internetez erreferentzia gehiago bila ditzakezue. Horrelakoetan, batzuetan sorpresak ere aurkitzen dira; alegia, euskaraz esanahia izan dezaketen hitz edo izenak. Esate baterako, Txinako buruzagi ohi baten izena Jiang Zemin da (Ze min!) eta Errusiako beste batena Vladimir Zhirinovsky (Ziri noski). Atari Japoniako marka bat da eta Gucci (gutxi) Italiakoa. Itsuki eta Noa japonierazko
izenak dira eta Dima, Irina eta Mara errusiarrak. Horrelakorik aurkituz gero, jolasaren erdia ia eginda daukazue.
Behin zerrenda osatuxea duzuela, hitz eta izen guztiak silabaka banatuko dituzue Lan-koadernoan, BIDEOAN erakusten den moduan.
Guri dagokigunez, adibide gisa, aurreko hitzak hartuko ditugu. Hitz eta izen horiekin ariketa batzuk egingo ditugu lan-koadernoan.